 |
| فوٹو:سکرین شاٹ |
لاہور: یونیورسٹی آف انجینئرنگ اینڈ ٹیکنالوجی (یو ای ٹی) لاہور نے انڈرگریجویٹ فال داخلوں کے لیے کمبائنڈ انٹری ٹیسٹ 2026 (پہلا) کے شیڈول کا اعلان کر دیا ہے، جو 30 مارچ سے 2 اپریل 2026 تک منعقد ہوگا۔
ترجمان یو ای ٹی لاہور رانا تنویر قاسم کے مطابق انٹری ٹیسٹ مختلف سیشنز میں منعقد کیا جائے گا، جو یو ای ٹی لاہور کے مرکزی کیمپس، ذیلی کیمپسز اور الحاق شدہ اداروں سمیت مختلف امتحانی مراکز پر ہوگا۔
انہوں نے بتایا کہ اس سال تقریباً 18 ہزار 500 امیدوار ٹیسٹ میں شرکت کریں گے، جن میں موک ٹیسٹ دینے والے امیدوار بھی شامل ہیں۔ امتحان کمپیوٹر بیسڈ فارمیٹ میں ہوگا اور ہر سیشن کا دورانیہ 100 منٹ پر مشتمل ہوگا۔
امیدواروں کو ٹیسٹنگ سسٹم سے آگاہی اور تیاری میں مدد فراہم کرنے کے لیے(ہفتہ) کو موک ٹیسٹ بھی انہی مقررہ مراکز پر منعقد کیا گیا۔
مقررہ امتحانی مراکز میں یو ای ٹی لاہور مین کیمپس، فیصل آباد کیمپس، نارووال کیمپس، رچنا کالج آف انجینئرنگ اینڈ ٹیکنالوجی گوجرانوالہ، خواجہ فرید یونیورسٹی آف انجینئرنگ اینڈ انفارمیشن ٹیکنالوجی رحیم یار خان، یو ای ٹی ٹیکسلا، یونیورسٹی آف گجرات، بہاء الدین زکریا یونیورسٹی ملتان، اسلامیہ یونیورسٹی بہاولپور بغداد الجدید کیمپس اور این ایف سی انسٹی ٹیوٹ آف انجینئرنگ اینڈ ٹیکنالوجی ملتان شامل ہیں۔
یو ای ٹی انتظامیہ کے مطابق امیدواروں کو ہدایت کی گئی ہے کہ وہ مقررہ وقت سے پہلے امتحانی مرکز پہنچیں اور تمام ضروری دستاویزات ہمراہ لائیں۔
.jpg)
تحریر کے بارے میں اپنی رائے بھیجیں