مقامی و عالمی سطح پر سونے اور چاندی کی قیمتوں میں نمایاں کمی

عالمی اور مقامی سطح پر سونے اور چاندی کی قیمتوں میں دوبارہ کمی دیکھی گئی ہے۔ مقامی مارکیٹ میں 24 قیراط فی تولہ سونا 11 ہزار روپے کم ہو کر 4 لاکھ 68 ہزار 262 روپے پر آ گیا ہے، جبکہ 10 گرام سونے کی قیمت میں 9,430 روپے کی کمی کے بعد یہ 4 لاکھ 1 ہزار 459 روپے پر پہنچ گئی ہے۔

اسی طرح 24 قیراط فی تولہ چاندی کی قیمت میں 340 روپے کی کمی ہوئی ہے اور یہ 7,484 روپے پر ٹریڈ کر رہی ہے۔ بین الاقوامی مارکیٹ میں فی اونس سونے کی قیمت 110 ڈالر کی کمی کے بعد 4,455 ڈالر ہو گئی، جس کا اثر مقامی مارکیٹ پر بھی دیکھا گیا۔