 |
| فائل فوٹو |
مسجد الحرام میں آج (ہفتہ 28 فروری )2026 کی رات ایک غیر معمولی فلکیاتی منظر دیکھنے کو ملے گا جب چاند عین خانہ کعبہ کے اوپر اپنی بلند ترین پوزیشن پر ہوگا۔ دنیا بھر کے مسلمان آج چاند کو دیکھ کر قبلہ کی صحیح سمت معلوم کر سکتے ہیں۔
فلکیاتی حساب کے مطابق مکہ مکرمہ میں رات 10 بج کر 24 منٹ اور 40 سیکنڈ پر چاند مقامی میریڈین سے گزرتے ہوئے تقریباً 90 درجے کی بلندی تک پہنچ جائے گا، جس کا مطلب ہے کہ وہ براہِ راست آسمان میں کعبہ شریف کے اوپر موجود ہوگا۔
جبکہ پاکستان کے وقت کے مطابق رات 12 بج کر 40 منٹ (یکم مارچ) یہ منظر دیکھا جاسکے گا۔
سعودی ماہرین کے مطابق یہ ایک فلکیاتی تعامد (Zenith Alignment) کی مثال ہے۔ یہ صورتِ حال اس وقت پیدا ہوتی ہے جب چاند کا جھکاؤ کسی مقام کے عرض بلد کے برابر آ جائے۔ اس لمحے دنیا کے کسی بھی حصے سے چاند کی سمت دیکھ کر قبلہ کی درست سمت معلوم کی جا سکتی ہے۔
ماہرین کا کہنا ہے کہ اس وقت چاند زمین سے تقریباً 3 لاکھ 74 ہزار کلومیٹر کے فاصلے پر ہوگا اور اس کی روشنی تقریباً 91 فیصد ہوگی، جس کی وجہ سے وہ تقریباً مکمل چاند کی شکل میں دکھائی دے گا۔
فلکیاتی ماہرین کے مطابق صاف اور تاریک مقامات پر یہ منظر آنکھ سے بھی دیکھا جا سکتا ہے، تاہم دوربین کے ذریعے اس کا مشاہدہ زیادہ واضح ہوگا۔
تحریر کے بارے میں اپنی رائے بھیجیں