17 مئی 2023 بروز بدھ کو پنجاب یونیورسٹی لاہور، شعبہ فارمیسی کے زیر اہتمام ایک انٹرنیشنل سیمینار منعقد کروایا گیا جس کا موضوع "ماڈرن تکنیکس آف ایٹمک ایبسورپشن اسپیکٹرومیٹر، ایف ٹی آئی آر، این آئی آر اسپیکٹرومیٹر اور مرکری اینالائزر" تھا-
سیمینار کو پیش کرنے کے لئے مہمان خصوصی مسٹر آرکاڈی کوزنیٹسوف ریجنل ڈائریکٹر لومیکس انڈسٹریز روس اور بن رشید کمپنی کو دعوت دی گئی جنہوں نے ان تمام سائنسی آلات اور ان میں استعمال ہونے والی جدید ٹیکنالوجی سے طلبا کو متعارف کروایا۔ اس کے علاوہ انہوں نے فارمیسی اور ریسرچ میں استعمال ہونے والی مشینوں پر بھی روشنی ڈالی۔
اس تعلیمی سیمینار کا مقصد یونیورسٹیوں اور صنعتوں میں استعمال ہونے والےسائنسی آلات اور ان کی پیمائشی ٹیکنالوجی کے بارے میں آگاہی پیدا کرنا تھا۔ طلباء اور اساتذہ کو جدید آر اینڈ ڈی ٹیکنالوجی سے بھی آگاہ کیا گیا
فائنل ائیر اور پوسٹ گریجویٹ کے طلباء و طالبات نے سیمینار میں شرکت کر کے اس سے استفادہ کیا ۔
سیمینار میں پرنسپل پنجاب یونیورسٹی کالج آف فارمیسی پروفیسر ڈاکٹر خالد حسین اور پروفیسر ڈاکٹر سید عاطف رضا نے بھی طلباء و طالبات سے خطاب کیا۔
ان کے ساتھ پنجاب یونیورسٹی کالج آف فارمیسی کے قابل محترم اساتذہ نے بھی شرکت کی جن میں پروفیسر ڈاکٹر سید عاطف رضا، ڈاکٹر عمران طارق، ڈاکٹر پرویز اختر شاہ، ڈاکٹر مصباح سلطانہ، پروفیسر ڈاکٹر فرقان ہاشمی، پروفیسر ڈاکٹر امجد حسین، ڈاکٹر راحت شمیم اور ڈاکٹر اعجاز علی شامل ہیں.
سیمینار کے اختتام پر پرنسپل پروفیسر ڈاکٹر خالد حسین اور پروفیسر ڈاکٹر سید عاطف رضا نے مہمان خصوصی میں
شیلڈز تقسیم کیں۔
تحریر کے بارے میں اپنی رائے بھیجیں