 |
| فوٹو:آئی ایس پی آر |
پاکستان ملٹری اکیڈمی (پی ایم اے) کاکول میں 153ویں پی ایم اے لانگ کورس، 38ویں ٹیکنیکل گریجویٹ کورس، 72ویں انٹیگریٹڈ کورس، 15ویں مجاہد کورس اور 27ویں لیڈی کیڈٹ کورس کی پاسنگ آؤٹ پریڈ شاندار انداز میں منعقد ہوئی۔
تقریب میں دوست ممالک عراق، مالدیپ، مالی، نیپال، فلسطین، قطر اور سری لنکا کے کیڈٹس نے بھی تربیت مکمل کر کے گریجویشن حاصل کیا، جو پاک فوج اور بین الاقوامی عسکری تعاون کا واضح ثبوت ہے۔
تقریب کے مہمانِ خصوصی اور پریڈ کے ریویو آفیسرآف ایئر چیف مارشل ظہیر احمد بابر سدھو، نشانِ امتیاز (ملٹری)، ہلالِ امتیاز (ملٹری) تھے، جنہوں نے پریڈ کا معائنہ کیا اور نمایاں کارکردگی دکھانے والے کیڈٹس میں انعامات تقسیم کیے۔
 |
| فوٹو:آئی ایس پی آر |
نمایاں ایوارڈز کی تفصیل درج ذیل ہے:
Sword of Honour (تلوارِ اعزاز): اکیڈمی سینئر انڈر آفیسر بلال نسیم (153ویں پی ایم اے لانگ کورس)
President’s Gold Medal: بٹالین سینئر انڈر آفیسر محمد سعد موسیٰ (153ویں پی ایم اے لانگ کورس)
Chief of Defence Forces Overseas Gold Medal: نیپال سے تعلق رکھنے والے فرینڈلی کنٹری سینئر انڈر آفیسر پوبن کنور (153ویں پی ایم اے لانگ کورس)
Marksman Medal: جنٹلمین کیڈٹ مسعود الرحمٰن (153ویں پی ایم اے لانگ کورس)
Chief of Army Staff Cane (38ویں ٹیکنیکل گریجویٹ کورس): کورس انڈر آفیسر حیدر بن عابد
Chief of Army Staff Cane (15ویں مجاہد کورس): سارجنٹ پیر محمد عبداللہ شاہ
Commandant’s Cane (72ویں انٹیگریٹڈ کورس): کورس انڈر آفیسر علی بن وقار
Commandant’s Cane (27ویں لیڈی کیڈٹ کورس): کورس انڈر آفیسر والیہ زیب
پریڈ کے دوران کیڈٹس نے اعلیٰ پیشہ ورانہ مہارت، نظم و ضبط اور شاندار فوجی تربیت کا مظاہرہ کیا، جسے حاضرین نے بھرپور سراہا۔ تقریب کا اختتام قومی جوش و جذبے اور کیڈٹس کی کامیابیوں کے اعتراف کے ساتھ ہوا۔
تحریر کے بارے میں اپنی رائے بھیجیں