ٹی20 ورلڈ کپ: پاکستان اور بھارت کے درمیان کولمبو میں ورلڈ کپ کا سب سے بڑا ٹاکرا

روایتی پاک-بھارت مقابلہ کل ٹی20 ورلڈ کپ 2026 میں کولمبو میں ہو رہا ہے، جس کے لیے پوری دنیا کے کرکٹ شائقین بے تاب ہیں

میچ: پاکستان بمقابلہ بھارت

مقام: آر پریماداسا اسٹیڈیم، کولمبو

وقت: پاکستانی وقت کے مطابق شام 6:30

یہ میچ ٹی20 ورلڈ کپ کے گروپ اے اسٹج کا سب سے بڑا اور تجارتی طور پر قیمتی میچ ہے، جسے دیکھنے لاکھوں لوگ تیار ہیں۔

پاکستان اور بھارت میچ سیاسی اختلافات اور بائیکاٹ کی دھمکیوں کے بعد بھی میچ شیڈول کے مطابق ہونے جا رہا ہے۔

کپتانوں کے بیانات —

پاکستان کے کپتان سلمان علی آغا نے کہا ہے کہ ٹیم ہر حال میں کھیلنے کے لیے تیار ہے، جبکہ بھارت کے کپتان سورویاکمار یادو نے بارش کے خدشات کے باوجود فوکس برقرار رکھنے کی بات کی ہے۔

سانپ کا دلچسپ واقعہ —

میڈیا رپورٹس کے مطابق آر پریماداسا اسٹیڈیم میں پاکستان ٹیم کے پریکٹس سیشن سے قبل گراؤنڈ میں اچانک سانپ نمودار ہوا۔

گراؤنڈ اسٹاف نے فوری کارروائی کرتے ہوئے سانپ کو قابو میں لیا اور بعد ازاں وائلڈ لائف حکام کے حوالے کر دیا، جس کے بعد سیکیورٹی اور گراؤنڈ کلیئرنس کے عمل کو مزید مؤثر بنایا گیا۔

ذرائع کا کہنا ہے کہ قومی ٹیم کے ممکنہ اسکواڈ میں دو رد و بدل متوقع ہیں۔ بھارت کے خلاف اہم مقابلے کے لیے فخر زمان اور خواجہ نافع کو پلیئنگ الیون میں شامل کرنے پر سنجیدگی سے غور جاری ہے، تاہم حتمی اعلان میچ سے کچھ دیر قبل کیا جائے گا۔

یہ میچ روایتی حریفوں کے لیے نہ صرف کھیل کا بڑا موقع ہے بلکہ دونوں ممالک کے مداحوں کے جذبات کو بھی جگاتا ہے — چاہے سیاسی تناؤ ہو یا کھیل کا جوش!