ٍپیٹرولیم ڈیلرز ایسوسی ایشن نے آج سےپورے ملک میں ہڑتال کا اعلان کیا ہے۔
چیئرمین پیٹرولیم ڈیلرز ایسوسی ایشن عبدالسمیع خان نے کہا کہ وزیرخزانہ، چیئرمین ایف بی آ اور چیئرمین اوگرا سب سے ملاقاتیں ہوئیں لیکن حکومت سے مذاکرات میں کوئی نتیجہ نہ نکل سکا ۔
اس لئےانہوں نے اعلان کیا کہ ہڑتال کی جائے گی، اتنے ٹیکسوں سے کاروبارنہیں چل سکتے، آج صبح چھ بجے سے سے ملک بھر کے پیٹرول پمپس بند کرنا شروع کردیں گے اور جب تک حکومت ہمارے مطالبات نہیں مانتی ، مذاکرات نہیں ہوں گے۔
انہوں نے کہا کہ بجٹ میں ڈیلرز پر ایڈوانس ٹیکس0.5 فیصد لگایا گیاہے ، حکومت سے حکومت سے کئی بار مطالبہ کیا ٹیکس واپس لیا جائے۔
عبد السمیع خان نے کہا کہ مطالبات نہیں مانے جارہے اس لئے ہڑتال کے علاوہ کوئی دوسرا کو ئی آپشن نہیں ہے۔
پیٹرولیم ڈیلرزایسوسی ایشن نے اعلان کیا کہ سندھ میں کل ہڑتال ہوگی، اورپیٹرول پمپس بند رہیں گے۔
دوسری طرف پیٹرولیم ڈیلرز ایسو سی ایشن دھڑوں می بٹی ہوئی ہے اور سمیع خان گروپ نے کل سے ہڑتال کا اعلان کیا ہے۔
جبکہ دوسری طرف پیٹرولیم ڈویژن اور اوگرا نے مشترکہ بیان میں کہا ہے کہ ملک بھر میں پیٹرولیم مصنوعات بند نہیں کی جائیں گی۔
اوگرا نے کہ آئل مارکیٹنگ کمپنیوں کو تمام پیٹرول پمپس کھلے رکھنے اور سپلائی یقینی بنانے کی ہدایت کی ہے۔
مشترکہ اعلان کے مطابق ملک میں پیٹرولیم مصنوعات وافر مقدار میں موجود ہے اور پیٹرولیم مصنوعات ملک بھر میں دستیاب رہیں گی۔ اور کوئی پمپ بند نہیں ہوگا۔
تحریر کے بارے میں اپنی رائے بھیجیں