اسلام آباد:(حقا ئق نیوز) رویت ہلال کمیٹی کے اجلاس میں اعلان کیا گیاہے کہ ملک میں کہیں بھی ماہ ربیع الاوّل 1445 ہجری کا
چاند نظر نہیں آیا۔ لہذا یکم ربیع الاوّل 18 ستمبر 2023 بروز پیر کو ہو گی۔
چیئرمین رویت ہلال کمیٹی نے بتایا کہ ملک بھر سے زونل کمیٹیوں کو بھی کوئی شہادت موصول نہیں ہوئی ۔
ربیع الاوّل کا چاند دیکھنے کے لیے اسلام آباد میں مرکزی رویت ہلال کمیٹی کا اجلاس وزارت مذہبی امور میں چیئرمین مولانا
عبدالخبیر ازاد مرکزی رویت ہلال کمیٹی کی زیر صدارت ہوا، جبکہ کراچی، پشاور، کوئٹہ اور لاہور سمیت دیگر علاقوں میں
رویت ہلال کی زونل کمیٹیوں کے اجلاس ہوئے۔
اجلاس میں محکمہ موسمیات، سپارکو، وزارت سائنس اینڈ ٹیکنالوجی کے نمائندوں نے بھی شرکت کی۔
اجلاس میں اعلان کیا گیا کہ ماہ ربیع الاوّل کا چاند نظر نہیں آیا، لہذا یکم ربیع الاوّل 18 ستمبر 2023 بروز پیر جبکہ عید میلاد
النبی ﷺ 26 ستمبر بروز جمعہ کو ہوگی ۔
وزارت مذہبی امور نے ربیع الاول کے چاند سے متعلق نوٹی فکیشن جاری کردیا ہے۔
ہفتہ کی چھٹی ہونے والے اداروں میں 12 ربیع الاو ل جمعہ کو ہونے سے تین چھٹیاں ہوں گی ۔
تحریر کے بارے میں اپنی رائے بھیجیں