اسلام آباد: حکومت نے عوام پر ایک اور مہنگائی کا بوجھ ڈال دیا ہے اور پیٹرولیم مصنوعات کی قیمتوں میں بڑا اضافہ کر دیا گیا ہے۔
تفصیلات کے مطابق حکومت کی جانب سے پیٹرول کی قیمت میں 26 روپے 77 پیسے فی لیٹر اضافہ کیا گیا ہے جبکہ ڈیزل بھی اسی تناسب سے 26 روپے 77 پیسے فی لیٹر مہنگا کر دیا گیا ہے۔
پیٹرولیم ڈویژن کی جانب سے جاری کردہ نوٹیفکیشن کے مطابق پیٹرول کی نئی قیمت 393 روپے 35 پیسے فی لیٹر مقرر کی گئی ہے جبکہ ڈیزل کی نئی قیمت 380 روپے 19 پیسے فی لیٹر ہو گئی ہے۔
نوٹیفکیشن میں واضح کیا گیا ہے کہ نئی قیمتوں کا اطلاق آج رات 12 بجے سے ہوگا۔
ماہرین کے مطابق پیٹرولیم مصنوعات کی قیمتوں میں اس بڑے اضافے سے مہنگائی کی نئی لہر آنے کا خدشہ ہے، جس کا اثر ٹرانسپورٹ، اشیائے خوردونوش اور روزمرہ استعمال کی دیگر اشیاء پر بھی پڑے گا۔
تحریر کے بارے میں اپنی رائے بھیجیں