 |
| فوٹو: بشکریہ ڈان |
پاکستان کے نوجوان صالح آصف کا ایلون مسک کی کمپنی کے ساتھ 60 ارب ڈالر کا معاہدہ،ارب پتی افراد کی فہرست میں بھی شامل
کراچی سے تعلق رکھنے والے 26 سالہ نوجوان صالح آصف نے ٹیکنالوجی کی دنیا میں ایک بڑی کامیابی حاصل کرلی ہے، جہاں ان کی قائم کردہ اسٹارٹ اپ کمپنی "کرسر" نے عالمی سطح پر اپنی پہچان بنا لی ہے۔
بین الاقوامی خبر رساں ادارے رائٹرز کے مطابق صالح آصف کی کمپنی کرسر نے مصنوعی ذہانت (AI) کے ذریعے کمپیوٹر کوڈنگ کے عمل کو خودکار بنانے میں نمایاں پیش رفت کی ہے، جس کے باعث دنیا بھر کے ڈویلپرز کی بڑی تعداد اس پلیٹ فارم کی جانب متوجہ ہوئی ہے۔
رپورٹس کے مطابق عالمی شہرت یافتہ کمپنیوں جیسے Adobe، NVIDIA اور Shopify سمیت ہزاروں آئی ٹی اداروں کے ڈویلپرز کرسر کے ٹولز سے فائدہ اٹھا رہے ہیں۔
اہم پیش رفت یہ سامنے آئی ہے کہ دنیا کے معروف ارب پتی ایلون مسک کی کمپنی SpaceX نے کرسر کو خریدنے کے لیے 60 ارب ڈالر کا معاہدہ طے کیا ہے۔ معاہدے کے مطابق اگر رواں سال کے اختتام تک اسپیس ایکس مکمل رقم ادا نہ کرسکی تو وہ 10 ارب ڈالر ادا کرکے صالح آصف کے ساتھ شراکت داری میں کام جاری رکھے گی۔
مزید برآں صالح آصف کا نام عالمی جریدے Forbes کی ارب پتی افراد کی فہرست میں بھی شامل کرلیا گیا ہے، جبکہ کرسر کمپنی کی مارکیٹ ویلیو 29 ارب ڈالر سے تجاوز کرچکی ہے۔
صالح آصف کا تعلق کراچی سے ہے، جہاں انہوں نے اپنی ابتدائی تعلیم نکسر کالج سے حاصل کی۔ بعد ازاں وہ اعلیٰ تعلیم کے لیے Massachusetts Institute of Technology گئے، جہاں انہوں نے اپنے تین دوستوں کے ساتھ مل کر اے آئی پر مبنی کوڈ ایڈیٹنگ ٹول "کرسر" بنانے والی کمپنی Anysphere کی بنیاد رکھی۔
ٹیکنالوجی کے میدان میں یہ کامیابی نہ صرف پاکستان کے لیے ایک بڑا اعزاز ہے بلکہ یہ اس بات کی بھی عکاسی کرتی ہے کہ پاکستانی نوجوان عالمی سطح پر اپنی صلاحیتوں کا لوہا منوا رہے ہیں۔
SpaceXAI and @cursor_ai are now working closely together to create the world’s best coding and knowledge work AI.
— SpaceX (@SpaceX) April 21, 2026
The combination of Cursor’s leading product and distribution to expert software engineers with SpaceX’s million H100 equivalent Colossus training supercomputer will…
تحریر کے بارے میں اپنی رائے بھیجیں