چین کے وزیر خارجہ چھینگ گانگ نے کہا ہے کہ مسئلہ فلسطین مشرق وسطیٰ کا اہم مسئلہ ہے جو خطے کے امن و امان اور عالمی انصاف سے وابستہ ہے۔ عالمی برادری کو مسئلہ فلسطین کے حل کو بین الاقوامی ایجنڈے میں ترجیحی اہمیت دینا ہوگی۔
چھینگ گانگ نے قاہرہ میں اپنے مصری ہم منصب کے ساتھ ایک مشترکہ پریس کانفرنس میں کہا کہ چینی صدر شی جن پھنگ نے مسئلہ فلسطین کے حوالے سے کہا ہے کہ فلسطینی عوام کے قانونی حقوق پر کوئی سمجھوتا نہیں کیا جا سکتا۔ ان کی ایک خود مختار ملک کے قیام کی جدوجہد سے انکار نہیں کیا جا سکتا اور مسئلہ فلسطین کے حل کو جلد از جلد حل کرنا چاہیے۔
انہوں نے کہا کہ چین کو فلسطین اسرائیل صورتحال کی کشیدگی میں اضافے پر تشویش ہے اور چین سمجھتا ہے کہ عالمی برادری کو "دو ریاستی حل" کے تصور اور زمین کے بدلے امن کے حصول کے اصول پر قائم رہتے ہوئے امن مذاکرات کےذریعے مسئلہ فلسطین کو جلد از جلد منصفانہ طور پر حل کرنا چاہیے۔اس حوالے سے بڑے ممالک کو اپنی ذمہ داری نبھانی چاہیئے۔
تحریر کے بارے میں اپنی رائے بھیجیں