ملک کے معروف شاعر اور نعت خواں سید سلمان گیلانی طویل علالت کے بعد انتقال کر گئے۔ اہل خانہ کے مطابق وہ شیخ زید اسپتال میں زیر علاج تھے جہاں آج ان کا انتقال ہوا۔
اہل خانہ نے بتایا کہ سید سلمان گیلانی 74 سال کے تھے اور دل و جگر کے عارضے میں مبتلا تھے۔
مرحوم کے انتقال پر جمعیت علمائے اسلام کے سربراہ مولانا فضل الرحمان نے گہرے دکھ کا اظہار کیا۔ انہوں نے کہا کہ سید سلمان گیلانی بلند پایہ شاعر، باکمال نعت خواں اور عمدہ نثر نگار تھے۔
مولانا فضل الرحمان نے مزید کہا کہ سلمان گیلانی کے نعتیہ کلام سے لاکھوں لوگ مستفید ہوئے اور مرحوم ہمارے خاندان کے ایک فرد کی حیثیت رکھتے تھے۔
سید سلمان گیلانی کا شمار اردو ادب کے نمایاں شعراء میں ہوتا تھا اور ان کی ادبی خدمات ہمیشہ یاد رکھی جائیں گی۔

تحریر کے بارے میں اپنی رائے بھیجیں