وزیراعظم یوتھ لیپ ٹاپ اسکیم: منتخب طلبہ میں لیپ ٹاپ کی تقسیم کا عمل تیز، جامعات کو فراہمی مکمل

ہائر ایجوکیشن کمیشن (ایچ ای سی) نے اعلان کیا ہے کہ وزیراعظم یوتھ لیپ ٹاپ اسکیم کے تحت لیپ ٹاپ کی تقسیم کا عمل باقاعدہ طور پر جاری ہے اور ملک بھر کی جامعات کو لیپ ٹاپ فراہم کر دیے گئے ہیں۔ کمیشن کی جانب سے منتخب طلبہ کو جاری بیان میں بتایا گیا ہے کہ ان کے لیے مختص لیپ ٹاپ متعلقہ یونیورسٹیوں تک پہنچ چکے ہیں۔

ایچ ای سی نے ہدایت کی ہے کہ اہل طلبہ اپنی جامعہ سے رابطہ کریں، مقرر کردہ فوکل پرسن کے پاس مطلوبہ دستاویزات جمع کروائیں اور ضروری کارروائی مکمل کرنے کے بعد اپنا لیپ ٹاپ وصول کریں۔ کمیشن کے مطابق تقسیم کا مرحلہ اب یونیورسٹی سطح پر آخری مرحلے میں داخل ہو چکا ہے، جہاں تعلیمی ادارے منتخب طلبہ کو لیپ ٹاپ فراہم کرنے کے عمل کو یقینی بنا رہے ہیں۔

وزیراعظم یوتھ لیپ ٹاپ اسکیم کا مقصد اعلیٰ تعلیمی اداروں میں زیرِ تعلیم مستحق اور قابل طلبہ کو جدید ٹیکنالوجی تک رسائی فراہم کرنا ہے تاکہ وہ اپنی تعلیمی اور تحقیقی سرگرمیوں کو بہتر انداز میں جاری رکھ سکیں۔ اس اسکیم کے تحت لیپ ٹاپ کی فراہمی میرٹ کی بنیاد پر کی جاتی ہے۔

طلبہ کو مشورہ دیا گیا ہے کہ وہ جلد از جلد اپنی جامعہ سے رابطہ کر کے تمام ضروری تقاضے مکمل کریں تاکہ بروقت اپنا لیپ ٹاپ حاصل کر سکیں۔

وزیراعظم یوتھ لیپ ٹاپ اسکیم: اہل طلبہ کے لیے درخواست دینے کے عمل کی تفصیلات

حکومت کی ہدایات کے مطابق، ملک کے تسلیم شدہ پبلک اعلیٰ تعلیمی اداروں میں زیرِ تعلیم طلبہ ہی اس اسکیم کے لیے درخواست دینے کے اہل ہیں۔

اہل طلبہ کو لازمی طور پر کسی بھی درج ذیل پروگرام میں داخلہ لینا ضروری ہے: پی ایچ ڈی، ایم ایس/ایم فل، ماسٹرز یا بیچلرز۔ علاوہ ازیں، وہ تعلیمی معیار بھی پورا کریں جو حکومت نے مقرر کیا ہے۔

طلبہ کا CGPA کم از کم 2.80 ہونا چاہیے یا 60 فیصد نمبرات حاصل ہونے ضروری ہیں۔ یونیورسٹی کے پہلے سال کے طلبہ کو اپنے انٹرمیڈیٹ (HSSC) کے نمبرات جمع کروانے ہوں گے۔ MS/PhD پروگرام کے پہلے سمسٹر میں داخل ہونے والے طلبہ کو اپنی پچھلی ڈگری کے نتائج جمع کروانے ہوں گے۔

لیپ ٹاپ کی تقسیم کے لیے کوٹہ سسٹم بھی موجود ہے۔ بلوچستان کے اعلیٰ تعلیمی اداروں کے طلبہ کے لیے 18 فیصد اور ڈسٹنس لرننگ طلبہ کے لیے 5 فیصد کوٹہ مخصوص کیا گیا ہے۔

اہل طلبہ اس موقع سے فائدہ اٹھانے کے لیے Prime Minister’s Digital Youth Hub (DYH) موبائل ایپلیکیشن کے ذریعے یا PM Youth Programme کی ویب سائٹ https://pmyp.gov.pk/پر جا کر اپنی رجسٹریشن مکمل کر سکتے ہیں۔

LAPTOP DISTRIBUTION UNDER PRIME MINISTER’S YOUTH LAPTOP SCHEME NOW FULLY UNDERWAY!

​Dear Laptop Recipients,

Laptops have been delivered to your university! Visit your university, submit the required documents to the focal person, and collect your laptop.

Get ready to enhance…

— Niaz Ahmad Akhtar (@DrNiazAhmadSI) February 20, 2026