ایرانی صدر کا بیان: مذاکرات میں عملی تجاویز اور مثبت اشارے، کسی بھی صورتحال کے لیے تیار

فوٹو: سکرین شاٹ

ایرانی صدر مسعود پزشکیان نے کہا ہے کہ امریکہ کے ساتھ مذاکرات میں حوصلہ افزا اشارے ملے ہیں اور ایران امریکی اقدامات پر کڑی نظر رکھے ہوئے ہے۔

مسعود پزشکیان نے یہ بھی کہا کہ ہم کسی بھی ممکنہ صورتحال سے نمٹنے کے لیے مکمل تیار  ہیں۔

صدر نے سوشل میڈیا پلیٹ فارم ایکس پر جاری کیے گئے بیان میں کہا کہ ایران خطے میں امن و استحکام کے لیے پرعزم ہے۔ انہوں نے مزید کہا کہ حالیہ مذاکرات میں عملی تجاویز پر بات چیت ہوئی اور مثبت پیش رفت کے آثار ملے ہیں۔

اس سے قبل ایرانی وزیر خارجہ عباس عراقچی نے بیان دیا تھا کہ امریکی نمائندہ خصوصی اسٹیو وٹکوف سے جنیوا میں جمعرات کو ملاقات ہو سکتی ہے۔ عراقچی نے کہا کہ اگر امریکہ ایران پر حملہ کرے تو ایران کو اپنے دفاع کا مکمل حق حاصل ہے، تاہم انہوں نے یہ بھی واضح کیا کہ سفارتی حل کے امکانات موجود ہیں۔