ایرانی اور بین الاقوامی میڈیا رپورٹس کے مطابق امریکی و اسرائیلی افواج نے ایران کے دارالحکومت تہران، اصفہان، تبریز، قم اور کرج میں حملے کیے ہیں۔ تہران کے مضافات میں میزائل حملوں کے بعد دھویں کے بادل اٹھتے دیکھے گئے، تاہم اب تک کسی جانی نقصان کی اطلاع موصول نہیں ہوئی۔
اسرائیلی حکام کے مطابق یہ حملے سرکاری عمارتوں اور فوجی تنصیبات کو نشانہ بنا کر کیے گئے۔
ایرانی عہدیداروں نے امریکی و اسرائیلی کارروائی پر سخت مؤقف اختیار کرتے ہوئے کہا کہ ایران جوابی کارروائی کی تیاری کر رہا ہے اور ہمارا ردعمل انتہائی سخت ہوگا۔
سربراہ ایرانی پارلیمانی قومی سلامتی کمیٹی کا کہنا ہے کہ ان حملوں کا اختتام اب دشمن کے اختیار میں نہیں رہا، اور ایران کی حفاظت کے لیے تمام اقدامات کیے جائیں گے۔
تحریر کے بارے میں اپنی رائے بھیجیں