 |
| فوٹو:ایدھی |
کراچی سے حویلیاں جانے والی ہزارہ ایکسپریس کی نواب شاہ کے قریب سے جاتے ہوئے بوگیاں پٹری سے اتر گئیں جس کے باعث 28 افراد جاں بحق اور 40 سے زائد افراد زخمی ہو گئے۔
ریلوے حکام کے مطابق کراچی سے آنے والی ہزارہ ایکسپریس سرہاری ریلوے اسٹیشن کے قریب حادثے کا شکار ہوئی۔
ڈی ایس ریلوے محمود الرحمان کا کہنا ہے کہ نواب شاہ کے قریب 10 بوگیوں کے پٹری سے اترنے کی اطلاعات ہیں ۔
ریلوے حکام نے کہا کہ فی الحال حادثے کی وجوہات کے بارے میں معلوم نہیں ہو سکا ہے ۔جبکہ مقامی پولیس کے مطابق ہزارہ ایکسپریس میں سوار مسافروں کی ریسکیو کا کام جاری ہے۔
مسافروں کا کہنا ہے کہ ہزارہ ایکسپریس میں بہت زیادہ مسافر سوار تھے ۔ حادثے کے باعث قریبی اسپتالوں میں ایمرجنسی نافذ کر دی گئی ہے جبکہ زخمی ہونے والے افراد کو اسپتال منتقل کیا جا رہا ہے۔
مقامی ذرائع کے مطابق ٹرین حادثے میں 40 سے زائد افراد زخمی ہوئے جبکہ حادثے میں اموات کا بھی خدشہ ہے جبکہ ایس ایس پی سانگھڑ عابد بلوچ نے حادثے میں 5 افراد کے جاں بحق ہونے کی پولیس اہلکار ریسکیو کے کام میں مصروف ہیں۔
دوسری جانب سرکاری ٹی وی کی رپورٹ کے مطابق ہزارہ ایکسپریس کو پیش آنے والے حادثے میں 28 افراد جاں بحق اور 40 سے زائد زخمی ہو ئے ہیں۔
ڈی جی رینجر سندھ میجر جنرل اظہر وقاص نے رینجرز نفری بھی جائے حادثہ پر روانہ کر دی ہے، فوری ریسکیو کے لیے جوانوں کو جائے حادثہ پر بھیج دیا گیا ہے، رینجرزٹیمیں ایمبولینسز، میڈیکل ایڈ کے علاوہ کھانے کا سامان بھی لے کر گئی ہیں ، رینجر اہلکار زخمیوں کو فوری اسپتال منتقل کریں گے۔
بہت افسوسناک واقعہ ہے. اللہ تعالیٰ رحم فرمائے.
جواب دیںحذف کریں