 |
| فوٹو:حقائق نیوز |
اسلام آباد: (حقائق نیوز) پاکستان کے یوم آزادی کے موقع پر جہاں ملک بھر میں جشن جاری ہے وہیں راولپنڈی اور اسلام آباد کے شہری بھی جشن آزادی بھرپور طریقے سے منانے کے لئےرات کو سڑکوں پر نکل آئے۔ جس میں بچوں ، برزگوں اور خواتین کی بڑی تعداد شامل تھی۔
اس موقع پر بچوں میں سب سے زیادہ جوش وخروش دیکھنے میں آیا۔ انہوں نے خاص طور پر قومی پرچم والے کپڑے پہنے تھےاور ہاتھوں میں سبز پرچم تھامے ہوئے تھے۔
اسلام آباد میں ایکسپریس ہائی وے اور جناح ایوینیو میں سب سے زیادہ رش دیکھنے میں آیا۔ جہاں سڑکوں کے دونوں اطراف جگہ جگہ قومی پرچم اور باجوں کے سٹال بھی لگےہیں۔
شہر بھر کی تمام بڑی عمارتوں کو برقی ققمقوں سے سجایا گیا ہے۔
رات بارہ بجتے ہی آتش بازی کا بھر پور مظاہرہ کیا گیا جس سے سارا شہر جگمگا اٹھا۔ لوگوں کی بڑی تعداد آتش بازی سے محظوظ ہوئی۔ اور ان خوبصورت لمحات کو اپنے کیمروں میں محفوظ کیا۔
رات بھر شہر پٹاخوں اور باجوں کی آواز سے گونجتا رہا۔
 |
| فوٹو:حقائق نیوز |
راولپنڈی اور اسلام آباد کے شہری ہر سال اپنے روائتی جوش و خروش سے منفرد انداز میں وطن سے اپنی محبت کا اظہار کرتے ہیں۔ لوگ اپنی گاڑیوں اور موٹر سائیکلوں پر قومی پرچم لہراتے ہوئے شہر بھر میں پاکستان زندہ باد کے نعرے لگاتے اور وطن کے ترانے گاتے نظر آتے ہیں۔
اس موقع پر قابل افسوس بات یہ ہے کہ بہت سے نوجوان ون ویلینگ کرتے نظر آئے،جو نا صرف اپنے جان خطرے میں ڈالتے ہیں بلکہ اکژ اس سے دوسروں کی کئی جانیں بھی جا چکی ہیں ۔
حکومت کو چاہیے کہ اس طرف خصوصی توجہ دیں ۔اور یہ خطرناک کھیل کھیلنے والوں کے خلاف فوری کاروائی کرے۔
سب سے اہم
بحیثیت مسلمان ہمارا کردار اور ہر عمل ایسا ہونا چاہیے جو قرآن و سنت کے مطابق ہو۔ ہمیں خوشی بھی ایسے منانی چاہئے جس سے کوئی ہماری وجہ سے تنگ نہ ہو ۔
جس پر چم کو آپ 14 اگست کو لہراتے ہیں اسے زمین پر گرنے سے بھی بچایا کریں ۔
آزادی بہت بڑی نعمت ہے اس کی قدر کریں۔
پاکستان زندہ باد۔
دل دل پاکستان جان جان پاکستان
جواب دیںحذف کریں