 |
| فوٹو: آئی ایس پی آر |
راولپنڈی: مالدیپ کی عوامی مجلس کے اسپیکر عبدالرحیم عبداللہ نے جنرل ہیڈکوارٹرز (جی ایچ کیو) راولپنڈی میں چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر سے ملاقات کی۔
ملاقات کے دوران باہمی دلچسپی کے امور، علاقائی سکیورٹی کی صورتحال اور پاکستان و مالدیپ کے درمیان دوطرفہ تعاون سے متعلق معاملات پر تبادلہ خیال کیا گیا۔
فیلڈ مارشل سید عاصم منیر نے اس موقع پر پاکستان اور مالدیپ کے درمیان برادرانہ تعلقات کی اہمیت پر زور دیتے ہوئے کہا کہ پاکستان دونوں ممالک کے باہمی مفاد میں دوطرفہ تعلقات اور تعاون کو مزید مضبوط بنانے کے لیے پرعزم ہے۔
مالدیپ کی عوامی مجلس کے اسپیکرعبدالرحیم عبداللہ نے علاقائی امن اور استحکام کے فروغ میں پاکستان کے تعمیری کردار کو سراہا۔
انہوں نے پاکستان اور مالدیپ کے درمیان دوطرفہ روابط کو مزید وسعت دینے اور باہمی دلچسپی کے مختلف شعبوں میں تعاون بڑھانے کی خواہش کا اظہار بھی کیا۔
ملاقات میں دونوں ممالک کے درمیان باہمی تعلقات کو مزید مستحکم بنانے اور مشترکہ مفادات کے شعبوں میں تعاون کے فروغ کی ضرورت پر بھی اتفاق کیا گیا۔
تحریر کے بارے میں اپنی رائے بھیجیں