.jpg "FPSC building") |
| فوٹو:ایف پی ایس سی |
اسلام آباد: Federal Public Service Commission (فیڈرل پبلک سروس کمیشن) نے سنٹرل سپیریئر سروسز (سی ایس ایس) امتحان 2025 کے حتمی نتائج کا اعلان کر دیا ہے، جس میں کامیابی کی شرح نہایت کم رہی اور امتحان کی سخت مسابقتی نوعیت ایک بار پھر واضح ہو گئی۔
کمیشن کے جاری کردہ اعداد و شمار کے مطابق اس سال مجموعی طور پر 12 ہزار 792 امیدواروں نے امتحان میں شرکت کی، تاہم صرف 355 امیدوار تحریری مرحلہ پاس کرنے میں کامیاب ہوئے، یوں کامیابی کا تناسب محض 2.77 فیصد رہا۔
فیڈرل پبلک سروس کمیشن کے مطابق دستیاب آسامیوں اور کوٹہ سسٹم کے تحت 170 امیدواروں کو مختلف آکوپیشنل گروپس میں تقرری کے لیے سفارش کی گئی ہے، جن میں 84 مرد اور 86 خواتین شامل ہیں۔
نتائج کے مطابق اس سال اسعد رفیق نے پہلی پوزیشن حاصل کی، جبکہ محمد محسن خالد دوسرے اور طارق حفیظ تیسرے نمبر پر رہے۔
کمیشن کے مطابق ٹاپ 30 پوزیشن ہولڈرز کو Pakistan Administrative Service (پاکستان ایڈمنسٹریٹو سروس) اور Police Service of Pakistan (پولیس سروس آف پاکستان) میں تعینات کیا گیا ہے، جبکہ دلچسپ بات یہ ہے کہ ٹاپ 30 میں سے کسی بھی امیدوار کو Foreign Service of Pakistan (فارِن سروس آف پاکستان) میں شامل نہیں کیا گیا۔
علاقائی بنیادوں پر جائزہ لیا جائے تو ٹاپ 30 میں شامل 23 امیدواروں کا تعلق پنجاب سے ہے، جبکہ سندھ اور خیبر پختونخوا سے دو، دو امیدوار شامل ہیں، جبکہ بلوچستان سے تین امیدوار ٹاپ پوزیشنز میں جگہ بنانے میں کامیاب رہے۔
فیڈرل پبلک سروس کمیشن نے کہا ہے کہ مکمل نتائج اور مزید تفصیلات کے لیے امیدوار FPSC کی سرکاری ویب سائٹ وزٹ کر سکتے ہیں۔
.jpg)
.jpg)
.jpg)
تحریر کے بارے میں اپنی رائے بھیجیں