پاکستان ائیرپورٹس اتھارٹی کے ترجمان نے جاری بیان میں کہا ہے کہ علاقائی ایئر اسپیس میں کشیدگی کے باوجود پاکستان کا ایئر اسپیس مکمل طور پر فعال اور محفوظ ہے۔ کراچی کے مطابق ملکی ایئر اسپیس تمام سول ایوی ایشن کے لیے دستیاب ہے اور کوئی رکاوٹ نہیں ہے۔
ایرانی حکام کی جانب سے جاری نوٹم A0715/26 کے مطابق تہران ایئر اسپیس آج پاکستان اسٹینڈرڈ ٹائم (PKT) کے مطابق 11:30 سے 17:00 بجے تک سول طیاروں کے لیے بند رہے گا، جس کے دوران مشرقی-مغربی ٹرانزٹ ٹریفک محدود ہوگی۔
اگر ایرانی حکام اس نوٹم کو 17:00 PKT کے بعد بڑھاتے ہیں تو توقع ہے کہ پاکستانی ایئر اسپیس سے گزرنے والی اوورفلائٹ ٹریفک میں اضافہ ہوگا، خاص طور پر رات کے معمول کے اوقات میں، کیونکہ ایئر لائنز بند ایرانی ایئر اسپیس کے باعث اپنی لانگ ہال بین الاقوامی شیڈول فلائٹس ایڈجسٹ کریں گی۔
پاکستان ایئر ٹریفک کنٹرول تمام آپریشنز کے لیے مکمل طور پر تیار ہے اور ابھی تک کسی تاخیر یا سیفٹی سے متعلق کوئی مسئلہ رپورٹ نہیں ہوا اور نہ ہی متوقع ہے۔
ترجمان نے مزید کہا کہ پاکستان ائیرپورٹس اتھارٹی قومی و بین الاقوامی اسٹیک ہولڈرز کے ساتھ مل کر ایوی ایشن سیفٹی اور سیکیورٹی کے اعلیٰ ترین معیار برقرار رکھے گی۔
تحریر کے بارے میں اپنی رائے بھیجیں