یونیسکو نے 2012 سے ہر سال عربی زبان کا عالمی دن 18 دسمبر کو منانےکے لئیے مختص کر رکھا ہے۔
عرب نیوز کے مطابق یونیسکو کے اس اقدام کا مقصد کثیر لسانی اور دیگر تمام زبانوں کی مساوات کو فروغ دینا اوراس دن کو عربی زبان کے لیے مختص کرنا ہے۔
اس دن کے حوالے سےعرب ماہرین تعلیم اور میڈیا کے سینئر ارکان سے بات کی گئی ہے جو عربی زبان کی اہمیت کو اجاگر کررہے ہیں۔
سعودی ٹی وی اینکر ڈاکٹر لافی الراشدی کے مطابق اس میں کوئی شک نہیں کہ ہر میڈیا سپیشلسٹ کے لیے عربی زبان بہت اہمیت کی حامل ہےاور انہیں بصری، سمعی اور پرنٹ کے لیے اس سے مکمل واقفیت ہونی چاہئے۔
، انہوں نے بتایا کہ مختلف پروگراموں کی قسم کے لحاظ سے عربی بولنے اور لکھنے میں فرق ہوتا ہے۔
مزید یہ کہ ہمارے شعبے میں سب سے اہم بات یہ ہے کہ پروگرام کے لیے عربی زبان کا اچھا خاصا علم ہونا ضروری ہے تاکہ کہیں کوئی سنگین غلطی نہ ہو۔
الراشدی نے بتایا کہ سوشل میڈیا نیٹ ورکس پر لکھنا معیاری عربی میں نہیں ہو سکتا لیکن پھر بھی لکھنے والے کو زبان سے واقف ہونا ضروری ہے ۔
عربی زبان کےماہر احمد الغیامہ نے لینگویج ایپس تیار کرنے کی اہمیت کی وضاحت کی اور بتایا کہ ایسی ایپلی کیشنز موجود ہیں جو ابھی کچھ ہی عرصے میں سامنے آئی ہیں لیکن یہ اب بھی املا اور گرائمر کی غلطیوں کی تصحیح کرتی ہیں۔
انہوں نے کہا کہ ہمیں عربی زبان کے نئے اور اہم ماڈلز بنانے کی ضرورت ہے جو ایسی ایپس سے مزید اچھےہوں۔
تحریر کے بارے میں اپنی رائے بھیجیں