معروف قوال امجد صابری مرحوم کی صاحبزادی حورین امجد صابری رشتۂ ازدواج میں منسلک ہوگئیں۔
حورین امجد صابری کے نکاح کی تقریب 23 دسمبر کو لاہور میں ان کے گھر میں منعقد ہوئی۔
مہندی کی تقریب 24 دسمبر کو منعقد کی گئی جس میں قریبی رشتہ داروں، دوست احباب کے علاوہ شوبز انڈسٹری سے میزبان و اداکارہ مایا خان نے بھی شرکت کی۔
مہندی کے موقع پر جب امجد صابری مرحوم کی قوالی پڑھی گئی تو اہل خانہ سمیت تمام شرکاء آبدیدہ ہوگئے۔
حورین کے شوہر کا نام محمد موسیٰ ہے۔ نکاح کے وقت بھی مایا خان نے شرکت کی اور تمام رسومات میں حصہ لیا۔
امجد صابری کے اہل خانہ مایا خان کو امجد صابری مرحو م کی بہن سمجھتے ہیں اور اسی لیے انہیں تمام تقریبات میں مدعو کیا گیا۔
امجد صابری کی یاد آج بھی مداحوں کے ذہنوں میں تازہ ہے، ان کی موت سے جو خلا پیدا ہوا وہ کبھی پُر نہیں کیا جاسکتا۔
تحریر کے بارے میں اپنی رائے بھیجیں