اسلام آباد اور پنجاب بھر میں ایک ماہ کے لیے مفت عوامی ٹرانسپورٹ کی سہولت

اسلام آباد اور پنجاب بھر میں ایک ماہ کے لیے مفت عوامی ٹرانسپورٹ کی سہولت

افراط زر کے بڑھتے ہوئے بوجھ کو کم کرنے کے لیے وفاقی اور صوبائی حکومتوں نے اسلام آباداور پنجاب میں ایک ماہ کے لیے مفت عوامی ٹرانسپورٹ سروس فراہم کرنے کا فیصلہ کیا ہے۔

(وزیر داخلہ محسن نقوی نے سماجی رابطے کی ویب سائٹ ایکس پر اس اعلان کو شیئر کرتے ہوئے بتایا کہ یہ سہولت کل  (4اپریل سے شروع ہو کر 30 دن تک جاری رہے گی۔وزیر اعلیٰ پنجاب  مریم نواز کے مطابق   پنجاب کے زیر انتظام بسوں ، اورنج لائن ٹرین، میٹرو بس سروس، اسپیڈو بس  ,اور  گرین الیکٹرو بس کے مسافروں کو ٹکٹ خریدنا نہیں پڑے گا۔

 شہری بغیر کسی کرایے کے سفر کر سکیں گے۔

وزیر داخلہ نے مزید کہا کہ وزارت داخلہ تقریباً 3.5 کروڑ روپے اس ریلیف اسکیم کے لیے مختص کرے گی۔

وزیر کے مطابق وزیراعظم شہباز شریف نے شہریوں کو بڑھتی ہوئی قیمتوں کے باعث مالی دباؤ سے بچانے کے لیے فوری امداد فراہم کرنے کی ہدایات جاری کی ہیں۔ ان ہدایات کے مطابق مقامی انتظامیہ اور ٹرانسپورٹ حکام کو ہدایت دی گئی ہے کہ وہ مفت سروس کی بروقت فراہمی کو یقینی بنائیں۔

اس اعلان کو عوام کی جانب سے مثبت ردعمل ملا ہے، اور بہت سے شہری اسے مشکل اقتصادی حالات میں قیمتی اقدام قرار دے رہے ہیں جو کم آمدنی والے اور روزانہ کے مسافر شہریوں کے لیے سہولت فراہم کرے گا۔