اسرائیل اور امریکہ نے ایران پر حملہ کر دیا، تہران پر میزائل داغے گئے

فوٹو: سی این این

ایرانی میڈیا کے مطابق ایران کے دارالحکومت تہران اور شمالی علاقوں میں متعدد دھماکوں کی آوازیں سنی گئی ہیں۔ تہران کے مشرق میں ایک دھماکا ریکارڈ کیا گیا جبکہ شمالی علاقوں میں مزید دو دھماکے ہوئے۔ غیر ملکی ذرائع کے مطابق اسرائیل نے تہران کے مہرآباد ائیرپورٹ کو نشانہ بنایا۔

مزید شہروں جیسے اصفہان، قم، کرج اور کرمان شاہ میں بھی دھماکے سنے گئے ہیں۔ اسرائیلی دفاعی اہلکاروں کے مطابق ایران پر یہ آپریشن امریکہ کے تعاون سے مہینوں قبل منصوبہ بندی کے تحت کیا گیا، اور حملے کی تاریخ ہفتوں پہلے طے کی گئی تھی۔

میڈیا رپورٹس کے مطابق ایران کے روحانی پیشوا آیت اللہ خامنہ ای تہران میں موجود نہیں ہیں اور انہیں محفوظ مقام پر منتقل کر دیا گیا ہے۔ ایران نے حملے کے بعد اپنی فضائی حدود بند کر دی ہیں، جبکہ عراق نے بھی فضائی ٹریفک معطل کر دی ہے۔

ادھر اسرائیلی وزیر دفاع نے تصدیق کی ہے کہ تہران پر حملہ کیا گیا اور ایران پر پیشگی فوجی کارروائیاں جاری ہیں، جس سے مشرق وسطیٰ میں کشیدگی میں مزید اضافہ ہو گیا ہے۔

ایران پر حالیہ حملوں کے بعد اسرائیلی حکومت نے حفاظتی اقدامات کے طور پر ملک بھر کے اسکول بند کرنے کا فیصلہ کیا ہے۔ علاوہ ازیں شہریوں کو غیر ضروری طور پر باہر نہ نکلنے اور گھروں میں رہنے کی ہدایت بھی جاری کی گئی ہے۔

اس اقدام کا مقصد ممکنہ جوابی حملوں یا کسی بھی ہنگامی صورتحال کے دوران شہریوں کی حفاظت کو یقینی بنانا ہے۔ اس دوران اسرائیلی دفاعی اہلکار بھی چوکس رہنے اور محفوظ رہائش کے لیے اضافی اقدامات کر رہے ہیں۔

گزارش‌ها و تصاویر دریافتی از 'شنیده شدن صدای چند انفجار و دیده شدن دود در #تهران، شنبه ۹ اسفند'#Iran #Tehran pic.twitter.com/tIk5yAITCA

— Vahid Online (@Vahid) February 28, 2026