پیٹرول کی قیمت میں فی لیٹر 13 روپے 55 پیسے اضافہ کر دیا گیا۔
وفاقی وزارت خزانہ نے پیٹرولیم مصنوعات کی قیمتوں میں اضافے کا نوٹیفکیشن جاری کردیا ہے۔
جس کے مطابق پیٹرول کی قیمت میں فی لیٹر 13 روپے 55 پیسےکا اضافہ کیا گیا جس کے بعد پیٹرول کی فی لیٹر نئی قیمت 272 روپے 89 پیسے ہوگئی ہے۔
ڈیزل کی قیمت میں فی لیٹر 2 روپے 75 پیسے اضافے کے بعد ڈیزل کی نئی فی لیٹر قیمت 278 روپے 96 پیسے ہوگئی ہے۔
مٹی کے تیل کی نئی قیمت 186 روپے 62 پیسے فی لیٹر مقرر کی گئی ہے۔
2 روپے 3 پیسے اضافے سے لائٹ ڈیزل آئل کی نئی قیمت 166روپے 86 پیسے فی لیٹر مقرر کی گئی ہے۔
نگران وزیراعظم نے پیٹرولیم مصنوعات کی نئی قیمتوں کی منظوری دی ہے۔
تحریر کے بارے میں اپنی رائے بھیجیں