حقائق نیوز(لاہور) پنجاب یونیورسٹی کالج آف فارمیسی کے زیر انتظام فارمیسی ایجوکیشن اینڈ ایکسپو 2023 کا انعقاد کیا گیا ۔
جس میں پرنسپل پروفیسر ڈاکٹر سید عاطف رضا، (پرنسپل پنجاب یونیورسٹی کالج آف فارمیسی) اور پروفیسر ڈاکٹر فاطمہ رسول نے اپنی دور اندیش قیادت کے ساتھ، کالج آف فارمیسی میں ایک نتیجہ خیز اور مستقبل میں معاون ثابت ہونے والی کانفرس منقعد کی۔
کانفرنس حکمت سے گونج اٹھی کیونکہ تین متحرک مقررین نے طلباء سے خطاب کیا۔جن میں جناب مقصود احمد چوہدری(ڈائریکٹرایچ آر) ، ڈاکٹر مدثر اعظم( اسسٹنٹ پروفیسر،انسٹیٹیوٹ آف کیمیکل انجینیئرنگ اینڈ ٹیکنالوجی)۔ ، اور جناب حامد رضا (بانی نیٹرو فارما) شامل تھے۔ جبکہ طلباء نے بھی بھرپور طریقے سے اس ایکسپو میں شرکت کر کے اسے کامیاب بنایا۔
اس روشن خیال کانفرنس میں مقررین نے فارمیسی کیریئر کے مواقع کے بارے میں انمول بصیرت فراہم کی۔ سی وی لکھنے، ملازمت کی تلاش، اور انٹرویو کی مہارتوں کے متعلق اہم معلومات فراہم کی گئیں ۔ طلباء نے شعبہ فارمیسی میں کامیاب پیشہ ورانہ سفر شروع کرنے کے لیے عظم کیا۔ طلباء کی ذہن سازی اور تناؤ پر قابو پانے کے لیے کھیلوں کا انعقاد کیا گیا، جس سے طلبہ کی ذہنی تندرستی کو بڑھانے کے لیے ایک مثبت ماحول کو فروغ حاصل ہوا۔
تحریر کے بارے میں اپنی رائے بھیجیں