اسلامآباد: صدر مملکت ڈاکٹر عارف علوی نے نگراں وزیراعظم کے نام کی سمری پر دستخط کیے جس کے بعد اب انوار الحق کاکڑ ملک کے آٹھویں نگراں وزیراعظم بن گئےہیں۔
وزیراعظم شہباز شریف اور اپوزیشن لیڈر راجا ریاض نے ایک ملاقات میں وزیراعظم کے نام سے متعلق مشاورت کی تھی۔
جس کے بعد انوار الحق کاکڑ کے بطور نگراں وزیراعظم نام پر اتفاق ہوا۔
صدر مملکت نے وزیراعظم شہباز شریف اور اپوزیشن لیڈر کی جانب سے بھیجی گئی سمری پر دستخط کرکے نگراں وزیراعظم کے تقرر کی منظوری دی۔
صدر مملکت نے منظوری آئین کے آرٹیکل 224 ایک اے کے تحت کی۔
انوار الحق کاکڑ کا تعلق بلوچستان عوامی پارٹی سے ہے۔
تحریر کے بارے میں اپنی رائے بھیجیں